Бұл жолы жарықтандыру «Казкрайда», Қосанов көшесінде, Алтай көшесінен Терешкова көшесіне дейін жүргізілді. Онда бұрыннан бар тіректерге қосымша 9 тірек орнатылып, 17 шам іске қосылды. Жалпы, 700 метр өздігінен оқшауланған сымдар тартылды.
Қосанов көшесінің тұрғындарымен кездесуде семейліктер қала әкіміне атқарған жұмыстары үшін алғыстарын білдірді. Қала тұрғыны Вера Казакованың айтуынша, бұған дейін теледидардан қалада кейбір көшелердің жарықтандырылғанын көрген. Оған бұл алыс жерде болып жатқан сияқты көрінген. Ол тұратын жерге жету екіталай деп ойлаған.
«Мен осында қанша жыл тұрсам да, әкімді алғаш рет жеке көрдім. Мен осы көшеде тұратын әжелер мен аталардың атынан үлкен рахмет айтқым келеді. Себебі, жарық та, жол да жасалды. Мұнда қанша жылдан бері ешқайсысы болмаған. Сіздердің атқарған еңбектеріңіз үшін үлкен рахмет», – деді Вера Казакова.
Өз кезегінде, Семей қаласының әкімі Біріккен ЭнергоСервистік Компанияның мердігерлік ұйымының жұмысшылары жаңа жылдың алғашқы күндерінен бастап, тұрғындарды жарықпен қамтамасыз ету үшін белсенді түрде жұмысқа кіріскенін атап өтті. Төтенше жағдай кезінде де энергетиктер жұмыстарын жалғастырған.
«Біздің қаламыздағы жағдай тұрақты, тек аздаған оқиғалар ғана болды. Біздің елде не болып жатқанын және қандай жағдай болғанын бәріңіз білесіздер. Сондықтан, Президенттің белсенді жоспарларының, уақтылы қабылданған шаралардың арқасында біз жағдайды тұрақтандыра алдық. Қысқа уақыт ішінде барлық коммуникациялар іске қосылды. Қала қазір қалыпты өмір сүруде», – деді Бақытжан Байахметов.
Сондай-ақ, Комсомольский кентіндегі Борили көшесі де жарықтандыруға қосылды. Онда 1400 метрге 50-ден астам шам орнатылды. Сол жағалаудағы Дружба көшесі мен Панфилов көшесіне дейін, Дулатов көшесінен Абай көшесіне дейін жарықтандыру жоспарлануда .
Тағы бір мердігер ұйым – Горсвет. Бүгін Рубусин көшесін жарықтандыруға қосады. Бұл Мичурин көшесінен Дальный көшесіне дейінгі бұрылыс. Онда 18 тірек, 16 шам орнатылып, 550 метр өздігінен оқшауланған сым тартылды.
Бұл ұйым техникалық шарттар бекітілгеннен кейін «Бір қабатты Шығыс» бағдарламасы бойынша салынған кенттердегі көше жарығын жаңғыртумен аяқтайды.
Semeynews.kz
