Биылғы жылы Семейде «Орталық», «103», «103А», «Ғаббасов», «35 квартал» қазандықтарын жөндеу және жылу желілеріне ағымды жөндеу жүргізілді. Бұл туралы пресс-конференцияда қалалық ТКШ басшысы Амантай Өтелбаев толығырақ тоқталды.
- Қазіргі уақытта жоғарыда аталған қазандықтардың жылу жүйесінің гидравликалық режиміне реттеу жұмыстары жүргізілуде. «Теплосервис» ЖШС келісім жасалған. Жұмыстар ағымдағы жылдың мамырында басталды және 2022 жылдың 28 ақпанында аяқталады. Іс жүзінде жұмысты жүргізуге 1 маусымда кірісті, сондықтан ағымдағы жылдың 24 желтоқсанында аяқтау жоспарлануда. Жұмыс үш кезеңге бөлінген. Бірінші кезең – зерттеу жүргізу, жылу және гидравликалық режимді әзірлеу. Екінші кезең – әзірленген іс-шараларды іске асыру, оның ішінде техникалық консультациялық көмек көрсету. Үшіншісі – сыртқы жылу желілерінің дайындығын анықтау және төртінші кезең – оларды реттеу, – деді Амантай Өтелбаев.
Көше жарықтарын жаңғыртуға тоқталсақ, биылғы жылы Семейдің 136 көшесінде 7 659 шамдарын ауыстыру жоспарланған. Бүгінгі таңда олардың 5700-і жөнделді. Жұмысты осы жылдың 30 қарашасына дейін аяқтау жоспарлануда. Сонымен қатар, Семей қаласы әкімінің тапсырмасы бойынша жобаға қосымша 32 көшені қосу туралы шешім қабылданды. Аталған көшелерде 978 шам орнатылады. Жүзеге асыруы 2021 жылғы 11 желтоқсанда аяқталуы тиіс.
- Семей қаласын сапалы көше жарықтарымен қамтамасыз ету мақсатында, қала әкімінің тапсырмасы бойынша көше жарықтарын жаңғырту жобасының екінші фазасы қарастырылды. Қазіргі уақытта 2022 жылдан 2023 жылғы дейінгі кезеңде тиісті инфроқұрылымды жаңғырту үшін 100-ден астам көшенің тізімдерін қалыптастыру жұмыстары жүргізілуде. Бүгінгі таңда Жобаның екінші фазасына қосу үшін 17 көше бойынша ақаулы акт жасалды, – деді ТКШ бөлімінің басшысы.
Конференция барысында балалар мен спорттық алаңдарды жайластыруда атап өтілді. Қала маңын дамыту жөніндегі іс-шара жоспары және «Халық шаруашылық бюджеті» жобасы шеңберінде Семейде Восход және Суық бұлақ кенттерінде балалар және спорттық алаңдарды және футбол алаңдарын жайластыру жұмыстары жүргізілуде. Жұмысты ағымдағы жылдың 15 қарашасында аяқтауды жоспарлауда.
Сонымен қатар Амантай Өтелбаев, Семей өткен жылғы ақпанда ҚТҚ бөлек жинау мен сұрыптауды енгізу жөніндегі жобаны жүзеге асыру бойынша Жол картасына кіргізілгенін хабарлады. Жол картасын жүзеге асыру шеңберінде қазіргі уақытта 450 контейнерді дайындау және орнату, сондай-ақ 115 жабық контейнерлер алаңын жайғастыру жұмыстары жүргізілуде. Ағымдағы жылдың 30 қазанына дейін қаладағы ықшам аудандарда контейнерлер мен алаңдар орнатылады.
Semeynews.kz
