Шәкәрім Университетінің «Қарагөз» студент-жастар театры Абай Университетінде өткен республикалық «Студент және сахна» байқауында бірінші орынды иеленді

Шәкәрім Университетінің «Қарагөз» студент-жастар театры Абай Университетінде өткен республикалық «Студент және сахна» байқауында бірінші орынды иеленді. Бұл – кездейсоқтық та, сәттілік те емес, заңдылық! Талантты, өршіл жастардың жан-жақты дамуына бағытталған стратегияның нәтижесі. Өткен айда біздің жас менеджерлер интеллектуалдық Хакатонда жеңіске жетсе (https://www.facebook.com/share/p/18n7vce2JH/?mibextid=wwXIfr), бүгін студенттеріміз үздік атанды. Интеллект пен мәдениет – болашақтың ажырамас негізі!

Shakarim University – жастар өзін жүзеге асыратын орта. Біз жағдай жасаймыз, мүмкіндік береміз, ең бастысы – біздің студенттер өз идеялары, өз жобалары үшін жауапкершілік алуға дайын.

Бұл Мемлекет басшысының жастар шығармашылығын қолдау стратегиясымен үндесетін нақты стартап-жоба.

Продюсерлік орталық – студенттік театр, кино, музыка және медиа салаларын біріктіретін алаң.
Креативті индустрия зертханасы – жас режиссерлер, сценаристер, актерлер мен дизайнерлер үшін өзін-өзі дамыту және коммерцияландыру мүмкіндігі.
Мәдени стартап – студенттердің гранттарға, халықаралық фестивальдерге, байқауларға, коммерциялық жобаларға қатысуына мүмкіндік беретін құрылым.

Shakarim University – шығармашыл, жаңашыл жастардың болашағын қалыптастыратын мекен. Бұл тек бастамасы. Біз бұдан да биік нәтижелерге жетеміз!