Абай облысыТОП
Қарабұлақ ауылында мал қорымының құрылысы аяқталды
Мақаншы ауданы Қарабұлақ ауылында мал қорымының құрылысы аяқталып, пайдалануға берілді. Жұмыстарды «СемСтройПут» ЖШС мердігерлік ұйымы орындады, ал жобалық қадағалауды «Кербұлақ-Құрылыс» ЖШС жүзеге асырды.
Жаңа қорым мал өлекселерін залалсыздандыру және жою үшін заманауи «биотермиялық шұңқырмен» жабдықталған. Кешен барлық қажетті заттармен: арнайы киіммен, дезинфекциялық құралдармен және өлексені тексеруге арналған арнайы бөлмемен қамтамасыз етілді.
Бұл шаралар санитарлық қауіпсіздікті қамтамасыз етуге және ауыл шаруашылығы жануарлары арасында аурулардың таралуын болдырмауға бағытталған.
