Семейде жұмыспен қамту бөлімінің бұрынғы басшысы қатысты сот үкімі шықты
Семей қаласының №2 сотында “К” мен “Ю” есімді азаматтарға қатысты қылмыстық іс қаралды, – деп хабарлайды Semeynews.kz.
Семей қаласының №2 сотының баспасөз қызметінің мәліметіне сүйенсек, “К” Семей қаласының «Жұмыспен қамту, әлеуметтік бағдарламалар және азаматтық хал актілерін тіркеу” мемлекеттік мекемесінің бөлім басшысы бола тұра, жеке өзі “Ю” есімді азаматтан 1710000 теңге көлемінде өзінің қызметтік міндетіне кіретін лауазымдық әрекеті үшін, ақшалай қаражат кедергісіз түсетінін айтып, нақты айтқанда аз қамтылған отбасындағы 1 -ден 6 жасқа дейінгі балалар үшін әлеуметтік пакет беруге кепіл бере отырып, ақшалай пара алған.
Сот сотталушыларға жаза тағайындау кезінде жеңілдететін және ауырлататын мән жайларды назарға ала тұра, “К”-ға 50-еселік, яғни 85 500 000 теңге және “Ю”- ға 30-еселік, яғни 51 300 000 теңге көлемінде айыппұл салу жазасын тағайындады.
Іс бойынша азаматтық талап жоқ.
Үкім заң күшіне енген жоқ.
Semeynews.kz
