Өскемен қаласында мектептерден жарылғыш зат табылмады, деп хабарлайды ҚазАқпарат тілшісі.
ШҚО полиция департаменті баспасөз қызметінің мәліметіне сүйенсек, 14 ақпан түскі уақытта Өскемендегі 23 мектептің электронды поштасына жарылғыш зат қойылғаны туралы түрлі IP мекенжайлардан хабарлама келіп түскен.
Мамандандырылған қызметтер дереу мектептерге келді.
«Қызметкерлер мен оқушыларды эвакуациялау жүргізілді. Мектептерді тексеру нәтижелері бойынша қандай да бір қауіпті заттар табылған жоқ. Аталған факті бойынша ҚР ҚК-нің 273-бабымен сотқа дейінгі тергеу басталды. Қазіргі уақытта жарылғыш зат туралы жалған хабарлаған адамдарды анықтау бойынша іс-шаралар жүргізілуде. Мұндай қылмыс жасағаны үшін 5 жылға дейін бас бостандығынан айыру жазасы қарастырылғанын ескертеміз», – делінген ақпаратта.
Еске салсақ, бұған дейін Өскемен қаласында соңғы 9 күнде мектепке бомба қойылғаны туралы бесінші хабар түскені хабарланған.
Semeynews.kz
