1993 жыл: Төл теңгенің тұғырға қонған жылы

Тәуелсіздік шежіресіндегі 1993 жылдың алатын орны да ерекше. Өйткені, азат ел боламын деп жаһанға жар салғаннан гөрі, дербес мемлекет ретінде өмір сүре алатыныңды дәлелдеу үшін де осы бастапқы жылдары тынбастан еңбек етіп, жұртқа игі болар әрбір істен аянып қалмау керек болды. Кешегі күні тек орталықтың айтқанымен жүріп, соның дегені ғана болатын заманнан кетіп, тізгінді қолға алған қазақ елі үшін нағыз қиын кезең, тұралатқан шақ туды.