Семей әскерилері Елорда күніне арнап велошеру өткізді

Семей гарнизоны Астана күніне арнап велошеру өткізді, бес жүзден астам әскерилер қатысты, деп хабарлайды Semey News.

07.07.2021

Велошеру таңертеңгі сағат 07:00-де басталды. Қатысушылар Абай тас жолы арқылы Абай әуежайына дейін барды және кері қайтты. Жалпы әскерилер 10 шақырымнан артық қашықтықты бағындырды. Семей гарнизонының әскери полиция қызметі велошеруге қатысушылардың қауіпсіздігін қамтамасыз етті.

Велошеру Қазақстан Республикасы Тәуелсіздігінің 30 жылдығына және Елорда күніне арналған. Қатысушылардың барлығы салауатты өмір салтын насихаттауға өз үлестерін қосты, – деп атап өтті «Шығыс» өңірлік қолбасшылығы әскерлерінің қолбасшысы генерал-майор Асан Жүсіпов.