ҚР Тұңғыш Президенті Нұрсұлтан Назарбаевтың Жарлығымен 2018 жылдан бастап шілде айының алғашқы жексенбісінде елімізде Ұлттық домбыра күні тойланып келеді. Домбыра — әлемдік мәдениеттің ғаламат құбылысы, тарихымыздың баға жетпес құндылығы.Сол себепті оның жыл сайын дәстүрлі түрде тойлануы заңдалық. Осы ретте, тағылымы терең мәдени шара Семей қаласының Абай атындағы театрында
Шығыс Қазақстан облысы әкімдігінің қолдауымен және Әміре Қашаубаев атындағы мемлекеттік филармониясының ұйымдастыруымен аталып өтті. Бұған дейін филармония ұжымы Қарағайлы шағын ауданында атаулы күнге орай ашық аспан астындағы мерекелік концертін ұсынған болатын.
– Бүгін барша қазақ елі Ұлттық домбыра күнін атап өтуде. Елде болып жатқан індетке қарамастан,филармония ұжымы үнемі ізденіс үстінде. Біз бұл шараға көп уақыт дайындалық. Бүгінде өнер сүйер қауыммен қауышып, композицияларымызды ұсынғанымызға дән ризамыз. Мереке құтты болсын!,-деді Әміре Қашаубаев атындағы мемлекеттік филармонияның директоры Айбек Бекбосынов.
Мерекелік концертте филармония ұжымы 17-ге жуық шығарма орындады.
Semey News
