Еркін ұрпақ: Семейде пікірсайыс турнирі өтті

26 маусымда “Семей қаласының ішкі саясат бөлімі” ММ қолдауымен “Интеллектуалды жастар қауымдастығы” ҚҚ-ның ұйымдастыруымен “Жастардың интеллектуалды әлеуетін арттыру бойынша” әлеуметтік қызмет аясында “Еркін ұрпақ” пікірсайыс турнирі ұйымдастырылды. Турнирға қала мектептерінің оқушылары қатысты. Турнир ораторлық қабілетті арттыруға бағытталған Линкольн-Дуглас форматында ұйымдастырылды. Формат ерекшелігі ойыншылар жекелей сынға түсіп еркін тақырыптарға ойын өткізуінде.
Айта кетерлігі турнир Тәуелсіздіктің 30 жылдығына арналып өткізілді және ойын қарарлары түрлі салаларды қамтыды. Семей мектеп лигасының үздік спикерлері тартысты ойын өрнегін көрсетіп, өздерінің мықтылықтарын тағы да бір дәлелдеп өтті. Тартысқа толы өткен үш іріктеу раундынан  сүрінбей өткен екі спикер, 11 мектеп оқушысы Кокамбаева Қарлығаш және 22 мектеп оқушысы Сапаралы Аяжан финалдық кезеңге шығып турнир жеңімпазы аталымын сарапқа салды. Тартысты өткен финалдық ойын нәтижесінде 22 мектеп оқушысы Сапаралы Аяжан турнир жеңімпазы атанды. Қатысушылар сертификаттармен және турнир жүлдегерлері арнайы сыйлықтармен марапатталды.