Семейдегі облыстық балалардың биологиялық орталығы 10-астам жаңа жануарлармен толықты

Бүгінде олар бейімделу кезеңінен өтіп, өздерін жақсы сезінеді.
–    Бұл жануарлардың ішіндегі көзге түскені – шығыс колобусы. Африканың орталық бөлігінде, Камерунда, Экваторлық Гвинея, Конго, Нигерия, Эфиопия, Чадта  кездесетін жануардың басты ерекшелігі – құйрығының ұзын болуы. Осы уақытқа дейін тек ағаштарда мекен еткен шығыс колобусы, құйрығын тепе-теңдікті сақтауға ғана емес, жырқыштарды алшақтату үшін де қолданған,-дейді биологиялық орталықтың көпшілік шараларды ұйымдастыру әдіскері Ләззат Қайратқызы
Бұл орталықта ішінара түрлі шаралар да өтеді. Жыл сайын дәстүрлі түрде мұнда мектеп оқушылары келіп, жануарлармен танысып, фенологиялық зерттеу жұмыстарын жүргізеді.
–    Қазіргі уақытта бізде жазғы лагерь жұмыс істеуде. Пандемия режіміне байланысты бір топта 7-10 бала ғана қамтылған. Мектермен келісімшарт жасалды. Тиісінше лагерь тегін. Біздің автобус балаларды алып кетіп, қайта мектептеріне жеткізеді,-дейді Ләззат Қайратқызы.
Осы ретте, орталық ұжымы өскелең ұрпақты экологиялық сауатты етіп тәрбиелеу мақсатында өз жұмыстарын жалғастыра бермек.

Semey News