Қазақстан Республикасы күніне орай Абай облысы бойынша ҚАЖ департаментінде салтанатты іс-шара өтті
Абай облысы бойынша қылмыстық-атқару жүйесі департаментінде Қазақстан Республикасы күніне арналған салтанатты іс-шара өтті.
Іс-шара Қазақстан Республикасының Мемлекеттік Гимнін орындаудан басталды, содан кейін еліміздің басты мемлекеттік мерекесіне орай құттықтау сөздер айтылды.
Іс-шараға қылмыстық-атқару жүйесінің ардагерлері шақырылды. Департамент бастығы әділет полковнигі Ғалымжан Балтабаев құттықтау сөз сөйлеп, мерекенің маңыздылығын атап өтіп, қызметкерлерге қызметке адалдығы мен жоғары кәсібилігі үшін алғысын білдірді.
– Республика күні-мемлекетіміздің бірлігі, тәуелсіздігі мен күшінің нышаны. Бұл күні біз Отанға адал және жанқиярлықпен қызмет ететін әрбір адамның үлесін мақтанышпен еске аламыз. Қылмыстық – атқару жүйесінің қызметкерлері алдағы уақытта да өздеріне жүктелген міндеттерді абыроймен орындайтынына сенімдімін, – деп атап өтті Ғалымжан Балтабаев.
Салтанатты рәсім барысында әділет подполковнигі Олжас Ерсұлтанұлы Шойбақовтың еңбек сіңірген демалысына шығарып салу рәсімі өтті.
ҚАЖ ардагерлер кеңесінің облыс бойынша төрағасы Абай Мұратқазы Ахметжанов барлық қатысушыларды мерекемен құттықтап ұрпақтар сабақтастығының маңыздылығын атап өтті.
-Біз, ардагерлер үшін жас қызметкерлердің қызметтің даңқты дәстүрлерін жалғастырып, қылмыстық-атқару жүйесінің беделін нығайтып, мемлекет алдындағы борышын абыроймен атқарып жатқанын көру аса маңызды. Республика күні — Отан игілігі үшін қызмет ететіндердің барлығын біріктіретін мереке, – деп атап өтті Мұратқазы Ахметжанов.
Қызметтік міндеттерін үлгілі орындағаны және жоғары кәсібилігі үшін облыстың департаменті мен ведомстволық бағынысты мекемелерінің қызметкерлері Қазақстан Республикасы Ішкі істер министрінің төсбелгілерімен, мақтау қағаздарымен және құрмет грамоталарымен марапатталды. Бірқатар қызметкерлерге кезекті арнайы атақтар берілді.
Мерекелік көңіл-күйді облыс департаменті мен мекемелері қызметкерлерінің орындауындағы концерт жалғастырды, оның барысында Отан мен қызметке арналған патриоттық әндер мен өлеңдер айтылды. Бірлік, ризашылық және мақтаныш атмосферасы іс-шара аяқталғанға дейін бірге жүрді.
