Полицейлер бірінші сынып оқушыларына жол ережелеріне арналған бояулар таратты
Жаңа оқу жылының басында Абай облысының полицейлері балалармен профилактикалық жұмыста жаңа тәсілді қолданды. Аймақтағы мектептердің бірінші сынып оқушыларына жол қозғалысы ережелеріне арналған арнайы бояулар сыйға берілді.
Бастаманың мақсаты – балаларды жолдағы қауіпсіздік негіздерімен қолжетімді әрі ойын түрінде таныстыру. Бағдаршамдар мен жол белгілерін, көше көріністерін бояу арқылы бүлдіршіндер жаяу жүргіншінің дұрыс әрекеттерін меңгереді, маңызды білімін бекітеді және қауіпсіз жүріп-тұру дағдыларын қалыптастырады.
Полицейлердің айтуынша, осындай көрнекі әдістер ақпаратты жақсырақ қабылдауға ықпал етеді. Бала тек тыңдап қана қоймай, үдеріске белсенді қатысады, бұл профилактиканың тиімділігін арттырады.
Қауіпсіздік мәдениетін қалыптастыруды ерте жастан бастау қажет деп санаймыз. Бала жол қозғалысы ережелерін қаншалықты ерте меңгерсе, көшеде өзін соншалықты жауапты ұстайды, – деп атап өтті Абай облысы полиция департаментінде.
Бұл акция «Назар аудар, балалар!» жедел алдын алу іс-шарасы аясындағы кең ауқымды жұмыстардың бір бөлігі болды.
