Қазақстан Республикасы Конституциясының 30 жылдығына арналған «Ата Заңым – айбыным» мерекелік концерті өтті.
Шара Қазақстанның тәуелсіздік жылдарындағы басты құндылықтарды паш еткен әсерлі тарихи қойылыммен басталды. Көрермендер еліміздің қалыптасу кезеңдерінен сыр шертетін көріністерді тамашалап, Тәуелсіздік пен Конституцияның мемлекетіміз үшін маңызын тағы бір мәрте сезінді.
Кеш барысында қалалық мәдениет сарайының талантты әншілері әсем әндері мен көтеріңкі көңіл сыйлаған музыкалық нөмірлерін тарту етті. Сонымен қатар, түрлі би ұжымдары, өнерпаздар мен жас дарындар сахнада өз өнерлерін ортаға салып, мерекенің сәнін арттырды.
Іс-шара көрермендердің ыстық ықыласына бөленіп, еліміздің басты құжаты – Конституцияға деген құрмет пен мақтанышты айшықтай түсті.
