Құрметті жерлестер! Ардақты ағайын!
Баршаңызды еліміздің басты мерекелерінің бірі — Ата Заңымыздың 30 жылдық мерейтойымен шын жүректен құттықтаймын!
1995 жылдың 30 тамызында қабылданған Ата Заңымыз – Тәуелсіз Қазақстанның берік іргетасы, ел бірлігінің кепілі, жарқын болашағымыздың бастауы болды.
Осы 30 жыл ішінде Ата Заңымыз біздің мемлекетіміздің дамуына, демократиялық құндылықтардың қалыптасуына, азаматтардың құқықтары мен бостандықтарының қорғалуына зор үлес қосты.
Мемлекет басшысы Қасым-Жомарт Кемелұлы Тоқаев айтқандай: «Біздің басты міндетіміз – озық ойлы, бәсекеге қабілетті ұлт болу, халықтың әл-ауқатын арттыру, елдегі тұрақтылықты сақтап, қоғамдық келісімді қамтамасыз ету. Сондықтан қазақ елінің қастерлі төлқұжаты – Конституциямыздың әр бабы мүлтіксіз орындалады».
Осы орайда, әрқайсыңызға зор денсаулық, отбасыларыңызға амандық, елімізге тыныштық пен гүлдену тілеймін!
Ізгі ниетпен,
қала әкімінің міндетін атқарушы
Бекжан Бапышев
