Семей қаласы әкімінің міндетін атқарушы Бекжан Бапышев көпбалалы аналармен кезекті рет кездесу өткізді.
Кездесудің негізгі мақсаты – көпбалалы аналарды толғандыратын өзекті мәселелерді тыңдап, олардың ұсыныс-пікірлерімен жақынырақ танысу. Жиын барысында әрбір сұраққа жан-жақты жауап берілді.
Қала әкімінің міндетін атқарушы қатысушылардың өтініштерін назарға алып, жауапты бөлім және коммуналдық қызмет басшыларына нақты тапсырмалар жүктеді.
Мәселелер айтылған жерде қалмайды. Әрбір өтінішті өз көзіммен барып көріп, көшпелі жиын өткіземін. Біздің басты мақсатымыз – көпбалалы аналардың тұрмыс сапасын жақсарту. Әр отбасының мәселесі – әкімдіктің назарында, – деді Бекжан Бапышев.
Еске сала кетейік, осындай форматтағы кездесулер көпбалалы аналардың ұсыныстарын тыңдау және олардың әлеуметтік жағдайын жақсарту мақсатында ай сайын тұрақты түрде ұйымдастырылады.
