Семей қаласы әкімінің міндетін атқарушы Бекжан Бапышев таңғы уақытта қаланы аралап, азаматтардың жеке қабылдауда көтерген мәселелері бойынша мекенжайларға барды.
Атап айтқанда, Рубусин көшесі, 26 және Елемесов көшесі, 3 мекенжайларында орналасқан тұрғын үйлердің жағдайымен танысты. Бұл нысандар апатты деп танылған.
Бекжан Бапышев тұрғындармен кездесіп, олардың өтініш-тілектерін тыңдап, үйлердің техникалық жағдайын көзбен көрді. Және тиісті бөлім басшыларына тапсырма берді.
Еске сала кетейік, азаматтарды қабылдаудан кейін қала әкімі міндетін атқарушы әрдайым тұрғындар айтқан мәселелерді өз көзімен көріп, көшпелі жиындар өткізеді.
