Қорғаныс министрінің цифрландыру жөніндегі орынбасары Абай және Аягөз гарнизондарында болды
Жұмыс сапары барысында Қорғаныс министрінің орынбасары Дархан Ахмедиев өңірдегі әскери бөлімдер мен мекемелердің қызметіне цифрлық технологияларды енгізудің нәтижелілігін тексерді.
Артиллериялық және танк бригадаларында ол «Бес қару» бағдарламалық модулін тәжірибелік пайдалану барысын тексерді. Оның тестілеуі Абай, Аягөз және Талдықорған гарнизондарының әскери бөлімдерінде де өтуде. Жауынгерлік даярлықтың цифрлық модулін енгізу жеке құрамның оқуын арттырады.
Министрдің орынбасары Дархан Ахмедиев 36803 әскери бөлімінің әкімшілік аумағында бейнебақылауды ұйымдастыруды зерттеп, оны құруға бұйрық берді. Келесі қадам осы бөлімнің әскери техникасы паркінің аумағын бейнекамералармен жабдықтау.
Жергілікті әскери басқару органының цифрлық трансформациясының негізгі аспектілері туралы министрдің орынбасарына Абай облысының қорғаныс істері жөніндегі департаментінің бастығы полковник Руслан Омаров баяндады.
Қорғаныс министрінің орынбасары Дархан Ахмедиев жұмыс сапарының қорытындысы бойынша қарулы күштердің қызметіне ақпараттық жүйелерді уақтылы және сапалы енгізу жөнінде нақты тапсырмалар берді.
Абай өңірлік гарнизонының баспасөз қызметі
