Невзоровтар отбасы атындағы бейнелеу өнері музейінде қаланың мәдени өміріндегі маңызды оқиғаға айналатын екі көрме ашылды
Екі көрме де Семейге Барнаул қаласынан келді. «Барнаул қаласының №2 балалар көркемсурет мектебі» қосымша білім беру муниципалды бюджеттік мекемесінің 80-нен артық жұмыстарын ұсынады.
Бірінші көрме – бұл тарихи мұраны ғана емес, сонымен қатар шығармашылық көз қараспен тарих сабақтарын зейіні жетіп ұғынған жас барнаулықтардың шынайы сезімдері мен тәжірибелерін бейнелейтін балалар көркем туындыларының жинағы. Экспозицияға Ұлы Отан соғысындағы Жеңіс тақырыбы тәрбие мен есте сақтаудың маңызды бөлігі болып табылатын балалар салған суреттер кіреді. Екінші көрме – көркемсурет мектебі оқытушыларының жұмыстарын ұсынады.
№ 2 балалар көркемсурет мектебі – бастауыш академиялық көркемдік білімі бар Барнаул қаласындағы ең ірі мектептердің бірі. Бүгінде мектепте 1300-ге жуық адам оқиды. Барлық жұмыс жылдарында мектеп көптеген бағыттарда белсенді дамып келеді. Мектеп жас құрамы мен оқыту формаларымен ерекшеленеді.
Көрме Семей тұрғындары мен қонақтары үшін ашық және Ресей Федерациясының Алтай өлкесінің бейнелеу өнерімен танысуға тамаша мүмкіндік болып табылады.
