Семейде қазақ күресінен Ұлттық ұлан чемпионаты өтті

Бүгін Жақсылық Үшкемпіров атындағы Семей қаласы бойынша № 1 облыстық олимпиадалық резерв мамандандырылған балалар-жасөспірімдер спорт мектебінде ҚР Ұлттық ұланы Бас қолбасшысының кубогы үшін қазақша күрестен жеке және командалық чемпионат өтті. Жарыс 1995 жылдың 7 сәуірінде тәжік-ауған шекарасында қаза тапқан ҚР ІІМ Ішкі әскерінің 17 жауынгерін еске алуға арналған. Чемпионаттың ашылу рәсімінде жарысқа қатысушылар алдымен тәжік-ауған шекарасында қаза тапқан жауынгерлерді бір минут үнсіздікпен еске алды.

-Жат жерде антына адалдық танытып, ерлікпен қаза тапқан жауынгерлердің батылдығын еске алу біз үшін парыз. Осы орайда , Ұлттық ұлан жауынгерлері арасында күрестен жарысты дәстүрлі түрде өткізудегі басты мақсатымыз-ұлттық спортты ұлықтау,-
дейді Ұлттық ұлан Бас қолбасшысының орынбасары генерал-майор Бауыржан Абжанов.

Қазақ күресі бойынша Ұлттық ұлан чемпионатының Бас төрешісі полковник Руслан Жакупбековтың айтуынша бұл біріншілікке 7 команда қатысып отыр. Атап айтқанда жарысқа «Шығыс», «Оңтүстік», «Орталық», «Батыс» өңірлік қолбасшылықтарының, Ұлттық ұлан Академиясының және тікелей бағыныстағы 6654 әскери бөлімі мен 5573 бригадасының құрама командалары келген.

– Бұл жарыстың деңгейі жоғары. Өйткені мұнда әлемдік деңгейде бақ сынап жүрген спортшыларымыз да қатысып жатыр. Биыл ұлттық спорт түрін дамыту масқатында Ішкі істер министрі мен оның орынбасары әрі Ұлттық ұланның Бас қолбасшысы генерал-майор Балтабеков Аңсаған Скендерұлының қолдауымен құқықтық тәртіп әскерінде дәстүрлі чемпионат өткізіліп отыр-дейді Бас төреші полковник Руслан Жакупбеков.

Жүлделі орындалған жеңімпаздарды.
Ұлттық ұлан Бас қолбасшысының орынбасары генерал-майор Бауыржан Абжанов, самбошы, “Қазақстан Барысы”, түйе палуаншы және ауыр салмақта халықаралық спорт шебері. Қазақ күресінен Қазақстан чемпионы Айбек Нұғымаров, қазақ күресінен 2024 жылғы Қазақстан барысы, Қазақ күресі, дзюдо және самбо күресінен халықаралық дәрежедегі спорт шебері
Қажыбаев Ерасыл Жанарбекұлы т.б марапаттады.
Екі күнге созылған чемпионаттың нәтижесі бойынша командалық есепте
Бас жүлдеге 5573 әскери бөлімі иеленсе, жүлделі екінші орынды Ұлттық ұлан Академиясы, ал үшінші орынды Оңтүстік өңірлік қолбасшылығының командасы иеленді.
Жүлдеге ие болғандар Ұлттық ұлан Бас қолбасшысының атынан төсбелгілер, медаль, кубоктармен марапатталды.
Сонымен қатар, қалалық әкімшілік атынан қаржылай да сыйлықтар табысталды.

“Шығыс” ӨңҚ баспасөз қызметі