Шәкәрім Құдайбердіұлының ескерткішіне гүл шоқтары қойылды

Мерекелік шараның мақсаты – жас ұрпақты Шәкәрімнің өмір сүрген тарихи жерлерімен таныстыру, ақынның шығармашылығы мен өмір жолын насихаттау.

Салтанатты шара Shakarim University 90 жылдығына арналған мерейтойлық іс-шаралар аясында өтті. Шараға университет оқытушылары, студенттер, қоғам белсенділері, т.б. қатысты.

Шәкәрім мұрасы – мәдени байлық қана емес, әрқайсымыз үшін өмірлік тағылым. Біз университетіміздің Шәкәрім есімімен аталатынын мақтан тұтамыз, оның естелігі мен идеясын сақтау үшін бар күш-жігерімізді саламыз, – деп атап өтті университет ректоры Думан Орынбеков.

Ақынның шығармашылығын зерделеу, есімін мәңгі сақтау – бүгінгі ұрпақтың қолында. Шәкәрім қалдырған мұра – жастарға бағыт.

Semeynews.kz