Абай облысында балық шаруашылығын дамыту: Шүлбі су қоймасына 83 мыңнан астам сазан-тұқы тұқымы жіберілмек
Өңірдегі басым бағыттардың бірі балық қорларын сақтау және толықтыру болып табылады. Қазірдің өзінде облыстың балық шаруашылығын дамыту үшін су айдындарын пайдалану бойынша белсенді жұмыстар жалғасуда.
Облыста көл-тауарлық балық өсіру шаруашылығын жүргізу үшін жергілікті маңызы бар 18 су айдыны және спорттық – әуесқойлық балық аулау үшін 1 су айдыны пайдаланылады.
– Ағымдағы жылы облыс әкімдігі 3 су айдынын спорттық-әуесқойлық су қоймасынан, көл-тауарлық балық өсіру үшін ауыстыруды. Бұл Комсомол су қоймасы, Тепкаши және Пролетарский тоғандары. Жақын арада балық өсіру мақсатында одан әрі пайдалану үшін тағы 12 су айдынын паспорттау жоспарлануда, – деді Облыстың табиғи ресурстары мен табиғат пайдалануды реттеу басқармасының басшысы Айнұр Ақмырза.
2024 жылдың бірінші жартыжылдығында Абай облысы бойынша, басқарма «АЭС Шүлбі ГЭС»- мен бірлесіп Шүлбі су қоймасына 22 мыңнан астам осы жаздық сазан (тұқы) балықтарын балықтандырды.
– Осы жылдың күзінде біз Шүлбі су қоймасын қайта балықтандыруды жоспарладық. 7,5 млн теңгеге 83,3 мың сазан тұқы тұқымын шығару жоспарлануда. Сонымен қатар, Ертіс өзенінің тарихи байлығын қалпына келтіру аясында Сібір бекіресімен балық аулау жүргізілетін болады. Су қоймасына 104,1 мың дана балықтар және 24,3 мың дана жылдық жас балықтар шығарылады. Бұл іс-шаралардың жалпы сомасы 149,3 млн теңгені құрайды,- деп атап өтті басқарма басшысы.
Балық қорын қалпына келтірумен қатар, облыста суқұзғындар санының өсуін реттеу шаралары да жоспарлануда. Соңғы жылдары олардың саны едәуір өсті, бұл экожүйені қорғау үшін тиісті шаралар қабылдауды қажет етеді екен.
– Суқұзғындар санының өсуін ескере отырып, біз олардың санын реттеудің биологиялық негіздемесін әзірледік. Жұмыстар 2024 жылдың 1 желтоқсанына дейін орындалады , – деді Айнұр Ақмырза.
