Жерлесіміз Зарина Сарипова Дүниежүзілік көшпенділер ойындарында Қазақстанның атынан шығады
Абай облысының балуаны Зарина Сарипова алдағы Дүниежүзілік көшпенділер ойындары-2024 (ДКО-2024) қатысады. Ел спортшыларының ішінде үлкен үміт артылып отырған жерлесіміз байрақты бәсеке алдында Абай облысы әкімінің баспасөз қызметіне сұхбат берді. Сұхбат барысында Зарина өзінің дайындығы мен алға қойған мақсаттары және арманымен бөлісті.
Осыдан 2 жыл бұрын өткен Дүниежүзілік көшпенділер ойынында жерлесіміз 65 келіге дейінгі салмақ дәрежесінде алтынға ие болған еді. Сол кезде балуан қыз Қырғызстан, Түрікменстан, Әзірбайжандық қарсыластарын ұтып, финалда Украина спортшысынан айласын асырған болатын.
Айта кетерлігі, 8-13 қыркүйекте Астана қаласында 5-ші Дүниежүзілік көшпенділер ойындары өтеді. Іс-шараға 89 елден 2000-нан астам спортшы қатысады деп жоспарлануда.
