Бородулиха ауданында халықтың әлеуметтік осал топтарын тұрғын үймен қамтамасыз ету Бағдарламасы белсенді түрде жүзеге асырылуда
Осы Бағдарлама аясында жалпы ауданы 2900 шаршы метр болатын 17 екі пәтерлі тұрғын үйлер Бородулиха, Новопокровка, Михайличенково ауылдарында салу жоспарлануда. .
Бородулиха ауданының әкімі Айдар Ибраев Бородулиха ауылындағы көп балалы отбасыларға арналған екі пәтерлі 10 тұрғын үй құрылысының барысын тексерді.
Михайличенково ауылында да халықтың әлеуметтік осал топтары үшін екі пәтерлі екі тұрғын үйдің құрылысы жүргізілуде. Мердігердің айтуынша, жұмыстар жоспарға сай жүргізілуде және нысан ағымдағы жылдың қыркүйек айында тапсырылады.
«Мұқтаж жандар үшін тұрғын үй салу – сапалы және белгіленген мерзімде жеткізуді талап ететін өте маңызды міндет», – деп атап өтті Айдар Ибраев.
Анықтама үшін:
Бородулиха ауданында тұрғын үйге мұқтаж 487 адам есепте тұр, оның ішінде:
* 229 жетім және ата-анасының қамқорлығынсыз қалған бала;
* «Алтын және Күміс » алқаларымен марапатталған немесе бұрын «Батыр ана» атағын алған, сондай-ақ I және II дәрежелі «Ана даңқы» ордендерімен марапатталған 47 көп балалы ана;
* Мүмкіндігі шектеулі балалары бар немесе тәрбиелеп отырған 10 отбасы;
* 22 бірінші және екінші топтағы мүгедектер;
* 84 толық емес отбасы;
* 79 бюджеттік сала қызметкерлері, мемлекеттік қызметшілер, әскери қызметкерлер, ғарышкерлер, ғарышкерлікке кандидаттар, мемлекеттік сайланбалы лауазымдарды атқаратын адамдар;
* Жалғыз баспанасы қауіпті деп танылған Қазақстан Республикасының 10 азаматы.
Бұл бағдарламаны жүзеге асыру көптеген отбасылардың өмір сүру жағдайын айтарлықтай жақсартуға мүмкіндік береді.
