Абай облысыТОП
Абай ауданында жаңа медициналық нысандардың құрылысы басталды
Маусым айында Орда және Медеу ауылдарында дәрігерлік пункттер мен Саржал ауылындағы дәрігерлік амбулаторияға сыртқы инженерлік желілер салу жұмыстары аяқталды. Қазіргі таңда үш нысан толықтай электр сымдарымен қамтамасыз етіліп, қабырғаларын қалау жұмыстары басталып кетті.
Құрылыс мердігерлері – «Construction Group «SAMRUK» ЖШС және «Уральскийстройинвест» ЖШС. Нысандарды қыркүйек айының соңына дейін тапсыру жоспарланған.
Бүгінде ауданда 1 орталық аурухана, 1 консультативтік-диагностикалық емхана, 5 дәрігерлік амбулатория, 3 фельдшерлік пункт және 1 фельдшерлік-акушерлік пункт (ФАП) жұмыс істейді. Ауданның емдеу мекемелерінде 34 жоғары білікті дәрігер, 105 медицина қызметкері еңбек етеді.
