Ақсуат ауданында ойын алаңдары пайдалануға берілді

Аудандық бюджеттен бөлінген қаражатқа Ақсуат аудан орталығындағы «Көкжайдақ» және «ПМК» шағын аудандарында балалар ойын алаңдары салынып, пайдалануға берілді, – деп хабарлайды Semeynews.kz.

Халықтың салауатты өмір салтын қалыптастырып және олардың бос уақытын тиімді ұйымдастыруды мақсат еткен ойын алаңында балаларға арналып әткеншектер, сырғанақ сияқты ойын құрылғылары орнатылған. Ата-аналар да балаларды енді оындай ойын алаңдарында ойнайтындарына қуаныштарын білдірді.

Айта кетерлігі Ақсуат ауылының әр ықшам ауданынан өткен жылдан бері жиыны 10 балалар ойын алаңы пайдалануға берілді.

Semeynews.kz