Абай облысында оқушылар «JAS AKADEMIK-2024» жазғы лагерінде білімдерін тереңдетті

Мектептің мақсаты – оқушыларыдың жаратылыстану-математикалық және қоғамдық-гуманитарлық пәндер бойынша теориялық білімдерін жетілдіру, тілдік қорын дамыту және түрлі олимпиадаларға дайындалуға бағыт-бағдар беру, ғылыми-зерттеу жұмыстарын жүргізуге баулу.

Жазғы лагерьге ауыл және қалалық мектептерден 100-ге жуық оқушы келді. Олар өздерінің теориялық білімдерін тереңдетіп, практикалық дағдыларын дамытты. Жаратылыстану-математикалық бағытты таңдаған оқушылар химия-биологиялық және физика-математика пәндері бойынша топтарда оқыды. Қоғамдық-гуманитарлық бағытты таңдағандар қазақ тілі мен әдебиетін, тарих, тілдік курстарда оқып, ғылыми жобаларды жазу талаптарымен танысты.

Қатысушылар облыстық тарихи-өлкетану мұражайын, Ф.Достоевскийдің әдеби-мемориалдық мұражайын және профессор А. Исиннің кітапханасын аралады. Лагерьде көпшілік алдында сөйлеу дағдыларын дамытуға бағытталған спорттық іс-шаралар мен пікірталас тренингтері ұйымдастырылды.

Айта кетейік, Білім басқармасы Шәкәрім атындағы университетпен бірлесіп, «JAS AKADEMIK-2024» жазғы мектебін 2022 жылдан бері ұйымдастырып келеді.

Semeynews.kz