Абай облысыТОП

Абай облысында аймақтың әлеуметтік-экономикалық даму көрсеткіштері қаралды

Абай облысының әкімі Нұрлан Ұранхаевтың төрағалығымен әкімдік отырысы өтті. Жиында бірінші жарты жылдықтағы әлеуметтік-экономикалық даму қорытындылары талқыланып, ағымдағы жылдың екінші жартысына жоспарланған міндеттер қаралды, – деп хабарлайды Semeynews.kz.

Отырыс барысында бірінші жарты жылдықтағы қаражатты игеру, құрылыс сапасын бақылау және Ұлттық Құрылтайдың ІІІ отырысындағы Мемлекет басшысы тезистерінің негізгі бағыттарын түсіндіру бойынша жүргізілген жұмыстар туралы баяндалды. Одан бөлек жаңадан пайдалануға берілген су құбырларының санитарлық-эпидемиологиялық қорытындысын алу және өндірістік бақылау шеңберінде ауыз судың сапасына бақылау жүргізуді қамтамасыз ету мәселелеріне де назар аударылды.

Ағымдағы жылдың 5 айында облыстың қысқа мерзімді экономикалық индикаторы 102,7% құрады. Аталған көрсеткіш жалпы өңірлік өнімнің 60% астамын құрайтын 6 негізгі саланың (ауыл шаруашылығы, өнеркәсіп, құрылыс, сауда, көлік және байланыс) дамуын көрсетеді. 404,7 мың шаршы метр тұрғын үйді іске қосу жоспары орындалды, ал жартыжылдықта 106,2% өсім күтілуде.

Алдын ала деректер бойынша, бүгінгі таңда облыс бюджетінің кіріс бөлігі 64 212,7 млн теңгені, ал жоспар 57 199,6 млн теңгені құрады. Бұл орындалудың 112,3%-на сәйкес келеді. 2024 жылға арналған облыстың түзетілген жылдық бюджеті 464 505,4 млн теңге болса, оның 322 695,7 млн теңгесі облыстық бюджетке, ал 141 809,7 млн теңгесі қалалар мен аудандардың бюджеттеріне тиесілі.

179 елді мекенді ауыз сумен қамтамасыз ететін 135 су құбыры облыстың санитарлық-эпидемиологиялық бақылау департаментіне қарайды. Бұл 75,4 пайыздық көрсеткіш.

«Отырыста қаралған барлық мәселелерге мұқият мониторинг жүргізе отырып, тұрақты бақылау қажет. Жұмыс өте көп және әр мәселеге жауапкершілікпен қарауға тиіспіз. Жүйелі әрі жоспарлы жұмыс туындаған мәселелерді тиімді шешуге және өңірдің әлеуметтік-экономикалық дамуында оң нәтижелерге қол жеткізуге мүмкіндік береді», – деді Нұрлан Ұранхаев.

Отырыс барысында облыс әкімі басқармалар мен департаменттердің басшыларына тиісті тапсырмалар берді. Сондай-ақ, қарастырылған барлық мәселелерді мұқият бақылаудың маңыздылығын атап өтті.

Semeynews.kz

Осы айдарда

Back to top button