Қант диабеті – көптеген қазақстандықтар үшін әлеуметтік маңызы бар ауру
Мұндай диагнозы бар науқастар МӘМС аясында тегін терапия ала алатынын білу маңызды. Қант диабетімен ауыратын науқастар қосымша қаржы жұмсамай, қажетті дәрі-дәрмектер мен медициналық көмек ала алады. Бұл олардың өмір сүру сапасын едәуір жақсартады және асқыну қаупін азайтады.
Әскери зейнеткер Рашид Габбасовқа қант диабеті диагнозы қойылды.
«Ашығын айтқанда, мен қызметте жүріп қант диабетіне шалдықтым және міне, 6 аралас түрлі емханаға тіркелгеніме 10 жыл болды. Үнемі қандағы қантты бақылауға және асқынулардың дамуын болдырмауға септігін тигізетін тегін тексерулерден өтіп отырамын», – дейді науқас.
Қалалық емхананың дәрігерлері МӘМС жүйесінің арқасында көптеген пациенттер қажетті дәрі-дәрмектерді алып, жолдама бойынша эндокринологқа баратынын атап өтті.
Айта кетейік, өткен жылы 1 млрд 400 млн теңгеден астам сомаға 128 мыңға жуық рецепт жазылды. 2024 жылы Д-есепте 13 500-ден астам пациент тұр, олар 5 айдың қорытындысы бойынша 600 млн теңгеден астам сомаға рецептермен қамтамасыз етілген.
