Абай облысында үшем бір мектепті бітірді

Семей қаласындағы №11 жалпы орта білім беретін мектеп үшін биылғы соңғы қоңырау ерекше болды, себебі түлектер арасында үшем мектеппен қоштасты, – деп хабарлайды Semeynews.kz.

Артықжан Гүлгүл, Жайна, Аңсаған есімді үшемдер 2013 жылы мектеп табалдырығын аттаған. Бірінші сыныптан бері бір сыныпта оқыды. Білім жағынан сыныпта алды болып, үшеуі бірдей мектептің барлық іс-шараларына белсене қатысып, ән айтады, би билейді.

Бір қызығы қыздардың таңдап отырған мамандықтары әр түрлі. Гүлгүл қазақ тілі мен әдебиеті пәнін таңдап, болашақта мұғалім болғысы келсе, Жайна дизайнерлік мамандықты таңдап отыр, ал Аңсаған болашақта психолог болғысы келеді. Мектепте сүйіп оқитын пәндері: әдебиет және математика.

Semeynews.kz