Абай облысында «AGROSKILLS-2024» облыстық байқауы қорытындыланды
![](https://semeynews.kz/wp-content/uploads/2024/05/photo_2024-05-16_16-39-59-780x470.jpg)
Байқау «Ауыл шаруашылығын механикаландыру», «Ауыл шаруашылығы машиналары мен тракторларын жөндеу жөніндегі слесарь», «Фермерлік шаруашылық» және «Ауыл шаруашылығы машиналарын пайдалану» құзыреттері бойынша өткізілді, – деп хабарлайды Semeynews.kz.
Кәсіби байқауда 6 ауылдық колледжден 26 қатысушы бақ сынады. Олар 4 модуль бойынша 8 жұмыс алаңында кәсіби шеберліктерін көрсетті. Қатысушылардың жұмыстарын 24 сарапшы бағалады.
Кәсіби шеберлік конкурсының нәтижесі бойынша 18 жеңімпаз анықталды: 4 алтын, 7 күміс, 7 қола. Жалпы командалық есепте І орынды Ақсуат колледжі (2 алтын, 2 күміс) иеленді, ІІ орынды Жарма технология колледжі (1 алтын, 2 күміс, 3 қола) жеңіп алса, жүлделі ІІІ орынмен Бесқарағай колледжі (1 алтын, 1 күміс) марапатталды.
Анықтама үшін: биыл байқау облыста екінші рет ұйымдастырылды. Іс-шара ауыл шаруашылығы мамандықтарын дәріптеуге, студенттердің дайындық деңгейін бағалауға бағытталған.
Semeynews.kz