«Таза Қазақстан» акциясы Ақсуат ауданында өтуде

Экологиялық мәдениетті қалыптастыру, халық пен жастардың табиғатқа деген сүйіспеншілігін арттыру мақсатында Ақсуат ауданындағы Қоскөл көлінің айналасындағы қоқысты жинау, іргелес аумақты тазарту жұмыстары өтті, – деп хабарлайды Semeynews.kz.

Тазалауға 100-ден астам адам қатысып, еріктілер мен белсенді жастардың бірлескен күшімен 1 000 шаршы метр аумақ жиналды.

Акция қатысушылары барлық тұрғындарды, шағын және орта бизнес өкілдерін аулаларда, алаңдар мен іргелес аумақтарда тазалауды ұйымдастыруға шақырды.

Сонымен қатар, аға мен кейінгі буын ұрпақ сабақтастығын көрсете білді. Аудан жастары ауданда ұйымдастырылған «Таза Қазақстан» акциясының барлық апталарына белсенді қатысуда.

Semeynews.kz