Бүгін қала әкімі Нұрбол Нұрсағатов Юность және 1 ықшам аудандарына барып, кварталішілік аулаларды аралады, – деп хабарлайды Semeynews.kz.
Айта кетейік бұдан бұрын да қала әкімі Юность ықшам ауданына келіп, аудандағы негізгі жолдарды жақын уақытта жөндеуден өткізуді тапсырған болатын. Қала басшысының тапсырмасымен №6 емханасының кварталішілік жолына орташа жөндеу жұмыстары жүргізілуде.
Нұрбол Нұрсағатов автомобиль жолдары бөліміне шағын аудандағы жолдарды одан әрі жалғастыруды тапсырды. Жөндеу жұмыстары Селевин көшесінен бастап Юность ықшам ауданындағы соңғы аялдама аумағын қамтиды.
Сондай-ақ, қала әкімі №1 шағын ауданындағы аула аумақтарындағы жолдарды асфальттау жұмыстарымен танысты. Ағымдағы жылы №1 шағын ауданында 5 кварталішілік аулаға асфальт төсеу жұмыстары жүргізіледі. Бұл бағыттағы жұмыстар басталды.
Semeynews.kz
