«Таза Қазақстан» республикалық экологиялық акциясының «Өнегелі ұрпақ» апталығы аясында Семей қаласының коммуналдық қызметкерлері Жеңіс саябағындағы орындықтарды, элеметтерді сырлау, түсіп қалған плиталарды қалпына келтіру және санитарлық тазарту жұмыстарын жүргізуде, – деп хабарлайды Semeynews.kz.
Айта кетейік, бүгін «Өнегелі ұрпақ» апталығы аясында Семей қаласында тұратын ардагерлердің аулаларын тазарту жұмыстарын коммуналдық қызметтер жүргізетін болады.
Сонымен қатар, осы аптада алаңдар, саябақтар, қоғамдық кеңістіктер қоқыстардан тазартылатын болады. Бұл жұмыстарға Семей қаласының әртүрлі аудандарында 80-нен астам жұмысшы мен 30 бірлік арнайы техника тартылды. Сонымен қатар, 3 бригада жол белгілерін, бағдаршамдар мен тіректерді жуумен айналысады.
Semeynews.kz
