Өңірлік «WORLDSKILLS ABAI – 2024» чемпионаты аяқталды

22 сәуірде басталған өңірлік чемпионатта 57 құзыреттіліктен 217 студент бақ сынасты. Олардың жұмысын 209 сарапшы бағалады. Облыстың 29 колледжінен қатысқан командалар арасынан көшбасшылар анықталды, – деп хабарлайды Semeynews.kz.

Чемпионат қорытындысы бойынша үш үздік колледж анықталды:

І командалық орын: Радиотехника және байланыс колледжі (10 алтын, 11 күміс, 6 қола);
ІІ командалық орын: Бизнес және сервис колледжі (9 алтын, 4 күміс, 2 қола);
ІІ командалық орын: Геодезия, картография және құрылыс Жоғары колледжі (7 алтын, 5 күміс, 7 қола).

Күзде болатын республикалық кезеңге 30 құзыреттіліктен аттанатын 34 жеңімпаз студент анықталды. Сондай-ақ ақтық кезеңге 30 сарапшы қатысады.

WorldSkills Abai өңірлік чемпионаты – WorldSkills Kazakhstan Ұлттық чемпионатына іріктеу кезеңі.

Semeynews.kz