Кеше халықаралық кітап және авторлық құқық күніне орай қаламызда тұңғыш рет «KITAP FEST-2024» кітап жәрмеңкесі және көрмесі өтті, – деп хабарлайды Semeynews.kz.
Шараның мақсаты – кітапты насихаттау, кітап пен оқуға деген қызығушылықты қолдау, балалардың, жастардың кітап оқуға, көркем әдебиетке деген құштарлығын ояту.
Шара аясында кітап көрмесі, кітап жәрмеңкесі, кітап алмасу форматында мәдени шаралар болды. Мұнда, қаламыздағы алдыңғы қатардағы Атамұра,Жәрдем,Отбасы Хрестоматиясы баспалары, Абай облыстық кітапханасы, Орталық қалалық кітапхана, KancBook, Kitap Al кітап дүкендерінің өнімдері болады.
Бұл бастама Семей қалалық Жастар ресурстық орталығы және “Alash Jastary” жастар ұйымының ұйымдастыруымен, Облыстық Абай әмбебап кітапханасының қолдауымен өтті.
Semeynews.kz
