МӘМС аясында аудандық аурухана дәрігерлерінің кәсіби дамуы үшін Шымкент қаласының №1 қалалық клиникалық ауруханасының және Семей қаласының ЖМДА мамандары миға күрделі операция жасап, науқасты тұрақты бас ауруынан құтқарды, – деп хабарлайды Semeynews.kz.
“Мұндай шеберлік сағаттары медициналық қоғамдастық арасында емдеудің инновациялық әдістерін енгізудің қуатты құралына айналуда”, – деді Шымкент қаласының жоғары санатты нейрохирург-дәрігері Марат Құлмырзаев.
Анамнезге сәйкес оған бұрын Семейде екі ота жасалған және асқынулардың алдын алу үшін дәрігерлер шұғыл түрде аз инвазивті процедураны жүргізу туралы шешім қабылдады.
“Барлық қажетті зертханалық талдауларды, МРТ, КТ ангиографиясын жүргізгеннен кейін нейрохирургтар отаға кірісті. Нақтырақ айтсақ, қапшық аневризмасын микроспиралдармен рентгенэндовскулярлық эмболизациялауға және ортаңғы ми артериясын стенттеу жасалды”, – деді нейрохирург Төлеуғали Қойшыбаев.
Марат Құлмырзаев атап өткендей, бұған дейін мұндай операциялар тек Ұлттық нейрохирургия орталығында жасалған болатын. Бірақ қазір тиісті қаржыландыру мен тәжірибе алмасудың арқасында мұндай жоғары технологиялық операциялар аудан деңгейінде де жүргізілуде.
“Біз қазір мұндай операциялардың әлемдік өндірушілердің заманауи, жоғары дәлдіктегі, жаңа медициналық жабдықтарының арқасында тұрақты негізде жүргізілетініне өте қуаныштымыз. Бұл жағдайда пациентке қымбат медициналық көмек ӘМСҚ есебінен тегін көрсетілді”, – деп қорытындылады Аягөз ауданының орталық аудандық ауруханасында.
Semeynews.kz
