Семейде 23 мыңнан астам қарағай көшеттері отырғызылды

Семей қаласында республикалық «Таза Қазақстан» акциясы аясында «Семей орманы – менің орманым» көшет отырғызу іс-шарасы өтті, – деп хабарлайды Semeynews.kz.

600-ге жуық адам қатысқан акцияда 23 800 түп екі жылдық қарағай көшеттері отырғызылды.

2024 жылы «Семей орманы» резерваты мемлекеттік орман қорының 6100 га алқабына 28 млн 700 мың дана өскін егуді жоспарлап отыр. Жұмыс екі кезеңге бөлінеді: көктемде 5000 гектар, ал күзде 961 гектарға қарағайдың жас көшеттері егіледі.

Semeynews.kz