![](https://semeynews.kz/wp-content/uploads/2024/04/8e632873-c869-4041-b4c7-e390a9cbb539-780x470.webp)
Мемлекет басшысы Еуразиялық экономикалық комиссия алқасының төрағасы Бақытжан Сағынтаевты қабылдады, – деп хабарлайды Semeynews.kz Ақорданың баспасөз қызметіне сілтеме жасап.
Кездесу барысында Президент Қасым-Жомарт Тоқаев Бақытжан Сағынтаевты Еуразиялық экономикалық комиссия (ЕЭК) алқасының төрағасы қызметіне кірісуімен құттықтады.
![Сағынтаев Бақытжан](https://img.inform.kz/kazinform-photobank/media/2024-04-03/8ae05db6-771f-4158-a19f-5b86d4a3f640.jpeg)
Мемлекет басшысына ЕЭК қызметінің басым бағыттары және оны одан әрі дамыту перспективасы, сондай-ақ Қазақстан мен ЕЭК арасындағы өзара ықпалдастықтың жай-күйі туралы баяндалды.
Сонымен қатар кездесуде 2030 және 2045 жылдарға дейінгі «Еуразиялық экономикалық жол» декларациясын жүзеге асыру жөніндегі іс-шаралар жоспарын әзірлеу, сондай-ақ биыл мамыр айында Мәскеуде өтетін Жоғары еуразиялық экономикалық кеңестің мерейтойлық отырысына дайындық мәселелері талқыланды.
Semeynews.kz