Абай облысында мемлекеттік қызметшілерге арналған екі күндік семинар-тренинг бастау алды
![](https://semeynews.kz/wp-content/uploads/2024/03/429787219_391804590241951_808478888963629357_n-780x470.jpg)
Абай облысының әкімдігі ҚР Президенті жанындағы Мемлекеттік басқару академиясымен бірлесіп, өңірдегі мемлекеттік қызметшілердің біліктілігін арттыруға бағытталған семинар-тренинг өткізілуде, – деп хабарлайды Semeynews.kz.
Іс-шараға қала мен аудан әкімдіктерінің, облыс басқармаларының басшылары қатысуда.
Оқудың негізгі мақсаты – мамандардың тиімді коммуникациялық дағдыларының деңгейін арттыру және тәжірибелік білім беру.
«Облыс әкімдігі түрлі салаларда біліктілік пен білімді арттыруға бағытталған семинар-тренингтерден тұратын жоспар әзірледі. Оларға жас және көп жылдық тәжірибесі бар қызметкерлер де қатысады. Заманауи мемлекеттік қызметшілер қоғамдағы өзгерістер мен қазіргі үрдістермен бірге дамуы тиіс», – деді облыс әкімі аппаратының басшысы Жасұлан Сәрсебаев.
Семинар аясында жобалық басқару, жобаларды әзірлеу, мемлекеттік қызметтегі заманауи кейстер және т. б. тақырыптарды қарастыратын болады.
Semeynews.kz