Қазіргі уақытта медициналық қызметтерге қол жеткізу денсаулықты сақтауда маңызды рөл атқарады. Алайда көптеген қазақстандықтар үшін медициналық қызмет көрсетуді ұйымдастыру күрделі процесс болуы мүмкін. Мұнда біз МӘМС есебінен медициналық көмек алу үшін қабылданатын негізгі қадамдарды қарастырамыз.
– Медициналық ұйымға тіркелуді тексеріңіз.
Алғашқы медициналық-санитарлық көмек көрсететін және медициналық сақтандыру қорының жеткізушісі болып табылатын медициналық ұйымға тіркелгеніңізге көз жеткізіңіз.
– МӘМС жүйесіндегі сақтандыру мәртебесін тексеріңіз.
МӘМС кеңейтілген пакетіне қол жеткізу үшін сізге «сақтандырылған» мәртебесін алу қажет. Мұны Қордың сайтында ЖСН бойынша немесе @saqtandyrybot жеделхат-ботының көмегімен жасауға болады.
– Кездесуге жазылыңыз.
Емханаға жоспарлы түрде барар алдында терапевтпен кездесуге жазылыңыз. Мұны мобильді қосымша немесе емхананың байланыс орталығы арқылы жасауға болады. Учаскелік дәрігердің жолдамасынсыз тар шеңберлі маманға кездесуге бара алмайтыныңызды есте ұстаған жөн.
– Анализдер мен зертханалық зерттеулерге жолдама алыңыз.
Учаскелік дәрігер сізге анализдерге жолдама береді және қажет болған жағдайда сіздің денсаулығыңыздың жай-күйін бағалау үшін диагностикалық тексеруге және тар шеңберлі маманмен кеңесуге жібереді. Медициналық қызметтерді өз қалтаңыздан төлеудің қажеті жоқ!
Көрсетілген қадамдарды орындай отырып, сіз МӘМС қаражаты есебінен медициналық қызметтерді тиімді пайдалана аласыз.
Semeynews.kz
