ӘМСҚ: Басындағы өтініштен, соңындағы нәтижеге дейін
Жүктілік және декреттік демалыс басталғаннан кейін әйелдер «жұмыс істемейтін жүкті әйелдер» санатына жатады және олардың міндетті медициналық сақтандыру жүйесіне аударымдарын мемлекет төлейді.
Аягөз қалалық орталық аудандық ауруханасының акушер-гинекологы Айнұр Алтынбекқызы сақтандырылған жүкті әйелдер толық көлемде тегін медициналық көмек алуға, соның ішінде тіркелген жеріндегі емханада қымбат тұратын диагностикалық тексерулерге құқылы екенін түсіндірді.
Мысал ретінде төртінші жүктілігімен босану емханасына тіркелген Қасаинова Салтанатты айтуға болады.
«Төртінші рет ана болу – саналы қадам, бірақ бізде әлі өз қорқынышымыз болды. Медициналық сақтандыру қоры есебінен тіркелгеннен кейін мен барлық қажетті зерттеулер мен тексерулерден өттім: УЗИ, Холтер жүрек мониторингі, күні бойғы қан қысымының тексеруі».
Қазіргі таңда аудандық ауруханада жүктілік бойынша 983 әйел есепте тұр. 2023 жылы облыстық орталық аудандық ауруханасына зертханалық-диагностикалық зерттеулер, скринингтер және басқа да қажетті медициналық қызметтер көрсету үшін міндетті медициналық сақтандыру қорынан 100 миллион теңгеден астам қаражат бөлінді.
Semeynews.kz
