Абай облысының Ақсуат өңірі ауыз сумен қамтылуда

Өткен жылы Көкжыра ауылдық округіне қарасты Серіктес елді мекенінде “Қуатты өңірлер-ел дамуының драйвері” ұлттық жобасымен орталықтандырылған ауызсу жүйесі жүргізілген болатын. Оған республикалық бюджеттен 101 млн теңге бөлінген, – деп хабарлайды Semeynews.kz.

Нәтижесінде Серіктес елді мекеніндегі 22 үйдің іргесіне дейін толықтай жалпы ұзындығы 2,9 шақырым су құбыры желілері тартылды.

Күні кеше аталған жүйе құрылғылары іске қосылды.  Аталған шараға аудан әкімі Асхат Сайдахметұлы, аудандық мәслихат төрағасы Ж.Оразғалиев, мәслихат депутаты Д.Шідерин, Н.Нұрбекова және жергілікті тұрғындар қатысты.

Бүгінгі таңда аудандағы 29 елді мекеннің 86,2 % таза ауыз сумен қамтылған. Алдағы уақытта  Сұлутал, Қызылжұлдыз, Қожакелді ауылдары бойынша су құбыры желілерін тарту қарастырылуда.
Одан басқа ескі Көкжыра, Қарғыба, және Алғабас ауылдарында су құбыры желілерін қайта жаңғырту жұмыстарына ЖСҚ әзірленетін болады.

Semeynews.kz