Абай облысында жолдарды қардан тазарту жұмыстары жүргізілуде

Абай облысында жолдар мен көшелерді қардан тазалау жұмыстары қарқынды жүргізіліуде, – деп хабарлайды Semeynews.kz.

Облыс орталығы – Семей қаласындағы көше-жол желісін тазалауға және көктайғаққа қарсы материалдарды себуге 100-ге жуық техника мен 80-нен жұмысшы жұмылдырылды. Күндізгі тазалауға сыпыру-жинау техникасы, тиегіш, құм таратқыш, МТЗ, шнекоротор, самосвал тартылды. Жалпы, бүгінде коммуналдық қызметтердің қарамағында 110-нан астам техника, оның ішінде қар тазалау кезінде таптырмайтын шнекоротор, тиегіш бар.

Бесқарағай ауданында қар тазалау жұмысына 4 техника мен 8 жұмысшы жұмылдырылды. Жұмысқа тек жолдарды тазалау ғана емес, жаяу жүргіншілер жолдарын тазалау да кіреді. Жалпы, Бесқарағай ауданында қар тазалауға 25 техника мен 30 адам тартылды.

Ақсуат ауданында Қызылжұлдыз, Қожакелді, Көктүбек, Ақсуат-Қарғыба-Құмкөл-Ойшілік елді мекенінің, Сәтбаев, Ақсуат ауылының жолдары қардан тазартылды.

Semeynews.kz