Мәжіліс депутаты: Аягөз қаласындағы қазандыққа күрделі жөндеу жүргізу қажет

Аягөз қаласындағы қазандыққа күрделі жөндеу жүргізу қажет. Бұл туралыҚР Парламенті Мәжілісінің депутаты Н. Сабильянов қаланы жылумен қамтамасыз ететін қазандықта болғанда айтты. Аягөз қаласында  Мәжіліс депутаты Мәдениет үйінде тұрғындармен кездесті, – деп хабарлайды Semeynews.kz.

Сондай-ақ, тұрғындарды жеке мәселелері бойынша қабылдады. Қала халқының тарапынан  кезекте тұрған азаматтарды тұрғын үймен қамтамасыз ету, азық түлік бағасын бақылау, қоғамдық көлік мәселесін реттеу,қаладағы ауыз су және қоқыс мәселесін шешу,инфрақұрылымды дамыту,1-4 сынып оқушыларын тамақтандырудың сапасын жақсарту, қаңғыбас иттерді жою мәселелері көтерілді.

Семей ядролық полигонынан зардап шеккен азаматтарды әлеуметтік қорғауды жетілдіру, әйелдердің зейнетке шығу жасын төмендету, ауған соғысының ардагерлеріне әлеуметтік қолдауды жақсарту,қалада жедел жәрдем көлігін шақыртуды Семейден Аягөздің аудандық ауруханасына қайтару және басқа да ұсыныстар айтылды.

Сонымен қатар, Еткомбинаты шағын ауданында салынған әлеуметтік үйлерді барып көріп,тұрғындармен кездесті. Тұрғындар әлеуметтік үйлердің сапасыз салынғанына  шағымданды.

Semeynews.kz