Семей қаласының әкімі Нұрбол Нұрсағатов “Қыздар емес” жайдарман құрамасын жеңістерімен құттықтады, – деп хабарлайды Semeynews.kz.
Кеше Астана қаласындағы “Жайдарман” ойындарында семейлік жастар топ жарды.
Жастар арасында танымал платформаның супер финалында Семей қаласының «Қыздар емес» командасы үздік ойын көрсетті. Қоғамның шындығын астарлы әңгіме, қағытпа қалжың арқылы жеткізген жастарымыз Семей қаласының абыройын тағы да бір асқақтатты.
Сондықтан да сіздерге Семей жұртшылығының атынан, жалынды жастардың атынан шынайы алғысымды білдіремін. Абай облысының абыройын асқақтатып, Семей қаласының көркеюі жолында қызмет ете беріңіздер! Жеңіс құтты болсын!
Semeynews.kz
