Абай облысында сотталғандар арасында онлайн режимде шахматтан турнир өтті. Турнир швейцариялық жүйе бойынша, www.playok.com платформасында өтті. Турнирдің бастамашылары Семей қаласының дене шынықтыру және спорт бөлімі болды, – деп хабарлайды Semeynews.kz.
Бастапқыда мекемелерде іріктеу кезеңі өтіп, оның қорытындысы бойынша мықты ойыншылар анықталды – олар облыстық турнирде өз мекемесінің атынан шыққан финалистер атанды.
– «Турнир өткізу ережесінің талаптарына сәйкес техникалық қолдау көрсету қамтамасыз етілді. Сотталғандар арасындағы диалогтар тоқтатылды, ойынның белгіленген ережелері сақталды», – деп түсіндірді тәрбие бөлім бастығы, әділет капитаны Асхат Керімханов.
Турнирге барлығы 12 сотталған қатысты. Қатысушылар арасынан бірінші және үшінші жүлделі орындарды, Абай облысы бойынша, қылмыстық-атқару жүйесінің департаментіне қарасты №19 мекеменің сотталғандары иеленді.
– «Турнир швейцариялық жүйе бойынша өтті – швейцариялық жүйенің мәні мынада: бірінші ойыннан кейін жеңілген адам плей-офф жүйесінің классикалық ережелеріндегідей турнирді тастап кетпей, келесі кезеңге өтеді, онда ол бірдей ұпай жинаған қарсыласпен кездеседі. Жеңімпаз анықталғанша жұптар осылай таңдалады. №19 мекеменің ойыншылары мықты болып шықты», – деп түсіндірді Семей қаласының дене шынықтыру және спорт бөлімінің қызметкері Мұрат Оқасов.
Шахмат турнирінде жеңімпаз атанған сотталғандардың бірі шахматқа бала кезінен әуес болғанын айтады. Жазасын өтеу кезінде ол бос уақытында басқа сотталғандарға шахмат үйретіп, өзінің сүйікті ойынын ойнауға барлық мүмкіндікті пайдаланады.
Турнир қорытындысы бойынша жүлделі орындарға ие болған жеңімпаздар мақтау қағаздарымен және кеуде белгілерімен марапатталды.
Semeynews.kz
