Семейде «Виктор Белослюдов. Қала аңызы» көрмесі ашылды

17 қарашада Невзоровтар отбасы атындағы облыстық бейнелеу өнері музейінің залдарында қаламыздың тұңғыш кәсіби суретшісі Виктор Белослюдовтың туғанына 140 жыл толуына арналған көрме ашылды, – деп хабарлайды Semeynews.kz.

Бұл бірегей көрме суретшінің шығармашылығын он жылдық зерттеудің, мұрағаттарда жұмыс істеудің, музейлермен хат алмасудың, мұқият ізденістердің нәтижесі болды.  Бүгін көрмеде Виктор Белослюдов салған барлық танымал туындылары ұсынылып отыр. Олардың кейбіреулері қазір Владивосток, Томск, Мәскеу музейлерінде және қаламыздың өлкетану музейінде сақтаулы; материалдардың бір бөлігін «Прииртышье» өлкетану қоғамы ұсынды.  Көрмеде көрермендер суретшінің кескіндеме, графика жұмыстарымен және де кейбір құжаттармен, сондай-ақ күнделік жазбаларымен таныса алады.

Виктор Белослюдов – біздің қалада тұрып, жұмыс істеген кәсіби суретші, этнограф, өлкетанушы, зерттеуші, жан-жақты, талантты адам. Бірақ,  біздің қала тарихындағы нағыз кезең болған Виктор ғана емес. Бүкіл отбасы ынталы зерттеушілер және көптеген таланттарға ие адамдар болды. Ағайынды Белослюдовтар туған өлкесін зерттеп, қазақ фольклорын жинап, орыс тіліне аударды, археологиялық қазбалармен айналысты, музей құрды, онда көптеген экспонаттарды ұсынды, соның ішінде біздің өңірдің археологиясы мен минералогиясы бойынша.

Суретшінің мерейтойына арналған көрмеден басқа, музейде Виктор Белослюдовтың өмірі мен шығармашылығы туралы кітап басылым ретінде шықты. Көрме мен кітап – Халитова Ильвира Ахметжанқызы жетекшілік ететін бір үлкен көркем жоба.  Мұның бәрі – тарихты жақсы көретін, оның барысын бақылайтын және біздің қаламыздың бет-бейнесін қалыптастырған маңызды есімдерді ұрпақтар жадында сақтауға тырысатын қаланың ірі музей оқиғасы.

Semeynews.kz