Абай ауданында 34 отбасына жаңа пәтер табысталды

Абай ауданында тұрғын үй кезегіне сәйкес әлеуметтік осал топтардың өкілдеріне, бюджеттік ұйым қызметкерлеріне жаңа пәтерлердің кілті табысталды, – деп хабарлайды Semeynews.kz.

Қасқабұлақ, Саржал, Көкбай, Кеңгірбай би, Қарауыл ауылында 34 отбасы қоныс тойын тойлап, баспаналарын алды. Жыл соңына дейін тағы 8 пәтердің кілтін табыстау жоспарланған.

Жалпы, 2023 жылы Қарауыл ауылында 22 пәтер салынып жатыр. Бұдан бөлек, Құндызды, Көкбай, Кеңгірбай би, Қасқабұлақ және Саржал ауылында жалпы 20 пәтердің құрылысы жүзеге асырылды.

Semeynews.kz