Туыстарының айтуынша, оның таңғы ас кезінде жүрегі айнып, құса бастаған, содан кейін есінен танып, комаға түскен, – деп хабарлайды Semeynews.kz.
49 жастағы ер адамды 103 бригадасы жедел түрде ес-түссіз күйде Семей қаласындағы жедел жәрдем ауруханасының қабылдау бөліміне жеткізді. Бөлімшеде нейрохирург қарады. Міндетті медициналық сақтандыру аясында комаға түскен ер адамға ота жасалды.
«Науқас өте ауыр жағдайда, комаға түскен. Біз КТ және контрастты томография жасадық, ол массивті субарахноидальды қан кету белгілерін көрсетті», – дейді операциялық нейрохирург Төлеуғали Қойшыбаев.
Науқасты микроспиральдар арқылы алдыңғы байланыс артериясының қапшықты аневризмасын алып тастау үшін хирургиялық тексеру мақсатында зертханаға жеткізілді.
«Отадан кейін науқас жансақтау бөлімінде болды, кейін жалпы палатаға ауыстырылды. Жағдайы орташа деп бағалануда. Ол қазір сауығып жатыр, туыстарын танып, сөйлесе алады. Диагностикалық және емдеу хаттамасына сәйкес науқас консервативті терапия курсын алады», – деп толықтырды нейрохирург.
Айта кетсек, 29 қазан Дүниежүзілік инсультпен күрес күні болды. Жыл сайын 40 мыңнан астам қазақстандық инсультпен ауырады. Инсультпен ауыратындардың шамамен 70% сырттан көмекке мұқтаж. Қан айналымы жүйесінің аурулары мүгедектіктің жоғары деңгейімен және жұмыс қабілеттілігін жоғалтумен қауіпті. Инсульт алған қазақстандықтар сақтандыру мәртебесі бар МӘМС аясында оңалтудан тегін өтуге мүмкіндік алды.
«Инсульттан кейінгі сәтті оңалту және асқынулардың алдын алу үшін емделуді кешіктірмеу және қалпына келтіруді бастау маңызды», – деп түсіндірді нейрохирургия бөлімінің меңгерушісі.
Semeynews.kz
